सांबार हा दक्षिण भारतीय स्वयंपाकघराचा आत्मा मानला जातो. डाळ, ताज्या भाज्या आणि सुगंधित मसाले यांच्या अनोख्या संगमातून तयार होणारा हा पदार्थ इडली, दोसा, मेदू वडा किंवा अगदी भातासोबतही लाजवाब लागतो.
सांबारचा जन्म कसा झाला, माहीत आहे का?
सांबारचा उगम १७व्या शतकात, तंजावरच्या मराठा साम्राट शहाजी महाराजांच्या राजवाड्यात झाला, अशी सर्वांत प्रसिद्ध कथा आहे. एके दिवशी महाराजांनी नेहमीसारखी आमटी बनवण्याचा प्रयत्न केला, पण मूग डाळ नसल्यामुळे त्यांनी त्याऐवजी तूर डाळ वापरली. तसेच, कोकमाऐवजी चिंचेचा रस घालून हा नवीन प्रयोग केला. हा चविष्ट पदार्थ सगळ्यांना इतका आवडला की, त्या दिवशी दरबारात आलेल्या पाहुण्यांच्या—छत्रपती संभाजी महाराजांच्या—नावावरून त्याला “सांबार” असे नाव दिले गेले!
इतकी ऐतिहासिक पार्श्वभूमी असलेला हा पदार्थ आजही तितकाच प्रिय आहे.
चला तर मग, आपणही पारंपरिक आणि स्वादिष्ट सांबार बनवूया! 🍲😋
साहित्य :
- एक वाटी तूर डाळ
- अर्धी वाटी मिक्स भाज्या (भोपळा, शेवगा, वांगी)
- एक लहान कांदा (बारीक चिरलेला)
- दोन टोमॅटो (बारीक चिरलेले)
- एक चमचा मोहरी
- अर्धा चमचा मेथी दाणे
- अर्धा चमचा हिंग
- दोन-तीन सुक्या लाल मिरच्या
- आठ-दहा कढीपत्ता
- दोन चमचे सांबार मसाला
- एक चमचा लाल मिरची पावडर
- अर्धा चमचा हळद पावडर
- चिंचेचा कोळ (आवडीनुसार)
- चवीनुसार मीठ
- गूळ
- तेल
- कोथिंबीर (बारीक चिरलेली)
कृती :
- तूर डाळ स्वच्छ धुवून कुकरमध्ये हळद आणि पाणी घालून तीन-चार शिट्ट्या होईपर्यंत शिजवून घ्या. डाळ चांगली मऊ झाली पाहिजे.
- : एका कढईत तेल गरम करून मोहरी, मेथी दाणे, हिंग आणि सुक्या लाल मिरच्यांची फोडणी करा.
- फोडणीत कांदा ,कढीपत्ता, कांदा घालून सोनेरी होईपर्यंत परतून घ्या. नंतर टोमॅटो घालून मऊ होईपर्यंत शिजवा.
- आता चिरलेल्या भाज्या, लाल मिरची पावडर, सांबार मसाला आणि मीठ घालून मिसळा. भाज्या थोड्या वेळ परतून घ्या.
- शिजलेली डाळ आणि आवश्यकतेनुसार पाणी घालून मिसळा. सांबारला उकळी येऊ द्या.
- चिंचेचा कोळ घालून मिसळा आणि चविपुरत गूळ टाकून दोन-तीन मिनिटे उकळू द्या.
- बारीक चिरलेली कोथिंबीर घालून गॅस बंद करा.
- गरमागरम सांबार तयार आहे.
तुम्ही हा सांबार ट्राय केला का? तुम्हाला कसा वाटला? कमेंटमध्ये तुमचे अनुभव शेअर करा! नवीन आणि स्वादिष्ट भारतीय रेसिपींसाठी आमच्या ब्लॉगला नियमित भेट द्या.
