घरच्या घरी बनवा बन पाव – मराठी रेसीपी

पाव भाजी, वडा पाव, मिसळ पाव, चहा पाव, समोसा पाव ह्या सारख्या स्ट्रीट फूडमध्ये पाव म्हणजे एक अविभाज्य पदार्थ. पण त्याच्या पारंपरिक बेकिंग प्रक्रियेपासून दूर जाऊन, आज तुम्हाला सांगणार आहे प्रेशर कुकरमध्ये साध्या पद्धतीने बण पाव कसा तयार करावा. तर ही सोपी आणि वेगवान रेसिपी तुम्हाला नक्की आवडेल. चला तर मग, एक सोपा आणि मस्त बण पाव कसा बनवावा ते पाहुयात!

साहित्य :

1. २ कप मैदा
2. १ चमचा साखर
3. १ चमचा मीठ
4. २ चमचे तूप/ बटर
5. १ चमचा ड्राय यीस्ट
6. १/२ कप कोमट पाणी
7. १ चमचा तूप (मुलायम बनसाठी)
8. १ चमचा दूध

कृती :

1. एका मोठ्या भांड्यात १/२ कप कोमट पाणी घ्या, त्यात १ चमचा साखर आणि १ चमचा यीस्ट घाला. मिश्रण ५-१० मिनिटं झाकून ठेवा, जेणेकरून यीस्ट सक्रिय होईल. (याला बुडबुडे येण्यास सुरुवात होईल.)
2. एका मोठ्या भांड्यात मैदा आणि मीठ चाळून घ्या. यामध्ये २ चमचे तूप घाला.
3. यीस्ट मिश्रणाला मैद्यात घाला आणि एकसारखा मळा. आवश्यकतेनुसार थोडं कोमट पाणी घालून एक मुलायम आणि लवचिक आटा तयार करा.
4. कणीक एक तासभर झाकून ठेवा, म्हणजे तो फुगलेला आणि हायड्रेट होईल.
5. फुगलेली कणीक मळून त्याचे छोटे गोळे करा. या गोळ्यांना गोल आकार द्या.
6. प्रेशर कुकर मध्ये तळाशी मीठ टाका व एक जाड ताट (ट्रिव्हेट किंवा स्टँड) ठेवा .कुकरला ५ मिनिटं गरम करा.आता पावाच्या गोळ्यांना बेकिंग टिन मध्ये ठेवून प्रेशर कुकर मध्ये ठेवून झाकण लावून १०-१५ मिनिटं बेक होऊ द्या.१०-१५ मिनिटं नंतर झाकण उघडा आणि पाव तपासा. जर तुम्हाला अधिक क्रिस्पी हवा असेल तर आणखी काही मिनिटं ठेवू शकता.
7. तयार झालेल्या बण पावांना थोडं दूध आणि तूप लावून सर्व्ह करा.
8. तयार पाव आत्ता आपण वडापाव, मिसळ पाव किंवा चहा सोबत एंजॉय करा

तर, हे होते प्रेशर कुकर मध्ये बनवलेले बण पाव. हा रेसिपी फुल्ल फ्लेवर्ड, सौम्य आणि मुलायम आहे. तुमच्या कुटुंबाला एक नवा चवदार अनुभव द्या. प्रेशर कुकर मध्ये पाव बनवणे हे तितकेच सोपे आणि वेळ वाचवणारं आहे. त्यासाठी ओव्हनची आवश्यकता नाही. त्यामुळे, तुम्हीही एकदा याचा प्रयत्न करा.