भारतीय चव आणि चायनीज फ्लेवरचा परफेक्ट मिलाफ म्हणजे हक्का नूडल्स. झटपट तयार होणारी ही डिश तिखट, चटपटीत आणि स्वादिष्ट असते. फक्त काही मिनिटांत तुम्ही ती अगदी रेस्टॉरंट स्टाईलमध्ये बनवू शकता. चला तर मग, आजच ही टेस्टी आणि सोपी रेसिपी करून बघा.
साहित्य:
- २०० ग्रॅम हक्का नूडल्स
- १ चमचा तेल
- २ चमचे तेल
- १ मध्यम कांदा (पातळ चिरलेला)
- १/२ कप शिमला मिरची (लाल, हिरवी, पिवळी – पातळ चिरलेली)
- १/२ कप गाजर (चिरलेली)
- १/२ कप कोबी (चिरलेली)
- १/२ चमचा आले-लसूण पेस्ट
- १ चमचा सोया सॉस
- १ चमचा चिली सॉस
- १ चमचा टोमॅटो सॉस
- १/२ चमचा व्हिनेगर(ऑप्शनल)
- १/२ चमचा मिरी पावडर
- चवीनुसार मीठ
- २ चमचे हिरव्या कांद्याची पात (सजावटीसाठी)
कृती:
- मोठ्या भांड्यात पाणी गरम करून त्यात १ चमचा तेल आणि मीठ घाला. पाणी उकळल्यावर त्यात नूडल्स टाका आणि ५-७ मिनिटे शिजवा.
- नूडल्स शिजल्यावर लगेच थंड पाण्याखाली धुवा आणि बाजूला ठेवा.
- कढईत २ चमचे तेल गरम करून त्यात आले-लसूण पेस्ट घाला आणि परता.
- त्यात चिरलेला कांदा, गाजर, शिमला मिरची आणि कोबी टाका. भाजी थोडी मऊ राहील इतपत परतून घ्या.
- आता सोया सॉस, चिली सॉस, टोमॅटो सॉस, व्हिनेगर, मिरी पावडर, मीठ टाका. सगळं मिश्रण छान एकत्र करा.
- शिजवलेले नूडल्स टाकून मोठ्या आचेवर परता जेणेकरून सॉस आणि भाज्यांचा मसाला नूडल्समध्ये मुरेल.
- गॅस बंद करून त्यावर हिरव्या कांद्याची पानं टाका.
- गरमागरम स्ट्रीट स्टाईल हक्का नूडल्स सर्व्ह करा आणि आस्वाद घ्या!
टिप्स:
- भाज्या जास्त शिजवू नका, त्या कुरकुरीत असायला हव्यात.
- अधिक चवदार नूडल्ससाठी थोडेसे तिळाचे तेल वापरू शकता.
- मसाला तुमच्या चवीनुसार कमी-जास्त करू शकता.
घरच्या घरी स्ट्रीट स्टाईल हक्का नूडल्स बनवून मजा करा! तुम्हाला ही रेसिपी कशी वाटली ते आम्हाला कळवा आणि तुमच्या खास ट्विस्टसह शेअर करा.
