दही वडा रेसिपी | सोपी स्टेप बाय स्टेप मराठीमध्ये

दही वडा हा एक असा पदार्थ आहे जो पहिल्यांदा चाखला आणि लगेचच मनात घर करतो मऊसर वडे, गोडसर दही, तिखट मसाले आणि चटण्यांचा मेळ – ही चव एकदा अनुभवली की पुन्हा पुन्हा आठवते. चला तर मग, आज दही वड्याच्या ह्या परफेक्ट रेसिपीला आधुनिक पद्धतीने बनवूया.

साहित्याची यादी (४ जणांसाठी):

उडीद डाळ – १ कप (रात्री भिजवलेली)
हिरवी मिरची – २
आलं – १ छोटा तुकडा
मीठ – चवीनुसार
तेल – तळण्यासाठी
दही – २ कप (गार आणि फेटलेलं)
साखर – २ चमचे
मीठ – चवीनुसार
झणझणीत लाल तिखट
काळं मीठ
जिरे पूड (भाजलेली)
गोड चिंचगुळाची चटणी
हिरवी चटणी (कोथिंबीर, मिरची, लसुण)
कोथिंबीर – सजावटीसाठी
थोडं बारीक शेव (ऑप्शनल)

कृती :

उडीद डाळ चांगली धुवून ६-७ तास भिजवून ठेवा.
भिजलेली डाळ हिरव्या मिरच्या, आलं आणि थोडंसं मीठ घालून मिक्सरमध्ये अगदी बारीक वाटून घ्या.
हे मिश्रण एका भांड्यात काढून त्याला हलक्या हाताने फेटा, म्हणजे वडे हलके होतील.
एका कढईत तेल गरम करून त्यात छोटे छोटे गोळे टाकून वडे खरपूस तळून घ्या.
तळलेले वडे गरम गरम पाण्यात १५ मिनिटं भिजवा. नंतर त्यांना हाताने हलकं दाबून पाणी काढून टाका.
गार दही फेटून त्यात साखर आणि मीठ घाला.
फेटलेलं दही एका ताटामद्धे पसरवा.
त्यावर निथळलेले वडे नीट मांडून घ्या.
वड्यांवर चिंचगुळाची चटणी, हिरवी चटणी घाला.
त्यावर थोडं तिखट, जिरेपूड, काळं मीठ पसरवा.
वरून थोडीशी कोथिंबीर आणि शेव शिंपडा.

टीप :

उडीद डाळ फेटणं खूप महत्त्वाचं आहे – त्यामुळे वडे हलके आणि मऊसर होतील.
दही नेहमी गार आणि गोडसरसर वापरावं – त्यामुळे टेस्ट उत्तम लागते.
चिंचगुळाची चटणी आधीच करून फ्रिजमध्ये ठेवली तर वेळ वाचतो.

जर ही रेसिपी आवडली असेल तर ती घरी करून बघा, फोटो क्लिक करा आणि आमच्यासोबत शेअर करा! तुमचा खास स्पर्श असलेली दही वडे प्लेट आम्हाला बघायला आवडेल. आणि हो, अशा अजून भन्नाट रेसिपीसाठी आम्हाला फॉलो करा

Sayali Kekarjawalekar